Bahrom Nazarov - Olti yoshli qiz (Qo’shiq matni, so’zi)

Soy qirg`oqda olti yoshli qiz
Turar yig`lab, suvni sho`rlatib.
Oh, shunchalar dilsizmi dunyo?
Murg`ak dilni qo`ydi xo`rlatib.

Qo`lchasida maydagul ro`mol,
Yuzin bosar, hidlaydi to`yib.
Goh ro`molga so`zlashar, ey voh,
Bor dunyoni bir chetga qo`yib.

Pichirlaydi: “Nedir gunohim,
Nega bunday ayriliq judo?” {x2}
Yolvoraman, nimam olsang ham,
Sen onamni qaytib ber, Xudo. {x2}

Go`zal edi, cheksiz mehribon,
Erka edim, berardim savol.
Bugun yolg`iz, boqaman holsiz,
Sen onamga o`xshaysan, hilol.

Nima ko`rdim? Har lahzada dard,
Bunda har ne, topilarkan osh.
Qachonlardir qo`lim kuydirgan,
Sen onamning kulchasi – Quyosh.

Qo`msayabman dilimda titroq,
Poying izlab ovora halak, {x2}
Ming urinmay menga benasib,
Sen onamni o`pib qo`y, falak. {x2}

Soy qirg`oqda turar olti yoshli qiz,
Yig`laydi zor, ko`nglida nido.
Pichirlaydi: “Jonim ol, haqqi –
Kel, onamni qaytib ber, Xudo...‎”

Ushbu qo`shiq matni uchun Shahnoza (@shahnoz_art)ga minnatdorchilik bildiramiz.


Другие текст песни Bahrom Nazarov

Популярные текст песни