Qilichbek Madaliyev - O’zbek emas (Qo’shiq matni, so’zi)

So`nggi paytlarda dunyoning turli joylarida sodir etilayotgan qo`poruvchilik ijrochilari o`zbek millatiga mansub degan xabarlar mening yuragimni vayron qilmoqda. Gapirmangiz, eshitmayman, yolg`on bari! Qo`li qonga botgan bo`lsa, o`zbek emas!

Millat sha’nin sotgan bo`lsa, O`zbek emas,
Zalolatda yotgan bo`lsa, O`zbek emas! (x2)
Ne yozilgan hujjatida – xabarim yo`q,
Qo`li qonga botgan bo`lsa, O`zbek emas!

O`zbek emas, O`zbek emas,
Millat sha’nin sotgan bo`lsa, O`zbek emas!
O`zbek emas, O`zbek emas!

Muhabbatni surtar ko`z-u qoshga millat,
Mehr nomin ko`targaydir boshga millat, (x2)
Odamkushlar, ul xudkushlar boshqa millat,
Dunyoga dor tortgan bo`lsa, O`zbek emas!

O`zbek emas, O`zbek emas,
Odam qonin totgan bo`lsa, O`zbek emas!
O`zbek emas, O`zbek emas!

El boshini egib, bunda hayron qolsa,
Chekib ozor, ko`ngilda bir vayron qolsa,
Kechib dildan, iymon qolsa, Rahmon qolsa,
Shaytoniy do`st topgan bo`lsa, O`zbek emas!

Fazilatim – fazlim mening, illatimmas,
Sahovatim sadrim mening, minnatimmas, (x2)
Vatanfurush ikki dunyo millatimmas,
Go`daklarni chopgan bo`lsa, O`zbek emas!

Jannatmakon bog`dan uchib, qo`ngan chohga,
Yovuzlardan obod dillar to`lar ohga, (x2)
Bir bechora, behimoya, begunohga
Bemahal o`q otgan bo`lsa, O`zbek emas!

O`zbek emas, O`zbek emas,
Millat sha’nin sotgan bo`lsa, O`zbek emas!
O`zbek emas, O`zbek emas!

Другие текст песни Qilichbek Madaliyev

Популярные текст песни